بنت بعتتلي الصوره دي النهارده ..
وطلبت مني اني احكيلكم اللي حصل علشان تاخدوا بالكم
..
كانت رايحه شغلها ف الكاتدرائيه .. وركبت تاكسي من تحت كوبري المشاه .. و
لما التاكسي ابتدا يتحرك لقيت راجل ضخم ولابس جلابيه ( علي حد وصفها ) فتح
الباب اللي ورا السواق وقعد جنبها .. والسواق اتحرك بيهم .. فضلت تزعق
وتطلب منه انه يقف مرضيش .. فتحت الباب ونطت وهي بتنادي علي العدرا علشان
تنجدها .. وقعت ع الارض وربنا ستر انها محصلهاش حاجه .. والناس اتلمت لما
شافوها ومسكوا السواق واللي معاه وضربوهم ..
معرفتش تعمل حاجه غير انها صورت السواق والعربيه الصوره دي ( وباين جدآ ف الصوره رقم العربيه )
طبعآ دول كانوا ناويين يخطفوها او يطلعوا بيها علي اي مكان بعيد .. ويكملوا خطتهم اللي مرتبينها
الحمدلله هي دلوقتي كويسه و مفيهاش حاجه .. بس طبعآ الموقف مكنش سهل عليها .. و مش مصدقه انها طلعت منه سليمه
للأسف .. الجريمه ف بلدنا العزيزه مصر بتحصل دلوقتي عيني عينك .. وف عز الضهر !
..
شير وعرف غيرك ..
يمكن البوست ده يكون بلاغ للنائب العام و يقدروا يوصلوا للمجرم اللي ف الصوره ..
وياريت كل بنت تخلي بالها من نفسها طول ما هي بره بيتها .. ولو حصلها اي
موقف زي ده لا قدر الله ولا مشابه ليه .. متخافش وتدافع عن نفسها بأي طريقه
.. الناس دي بتكون جبانه جدآ علي فكره
ربنا يحمي كل بنت ويحافظ عليها !
منقول من موقع الحق والضلال
ليست هناك تعليقات:
إرسال تعليق