حدث بالفعل ... ام كلثوم وابونا فيليمون المقارى

خاص بالحق والضلال
كتبت:جاكلين رافت
يقول ابونا رئيس الدير جاء عندنا زائر ومعاه راديو صغير وكان بيسمع ست بتغنى وابونا رئيس الدير قاله عيب ياخى الراديو ممنوع فى الدير والاخ زعل انا اخدته القلايه وقلت له بتسمع ايه ياخ ؟ قال بسمع ام كلثوم وقلت له مين دى ؟ قالى انت عمرك ماسمعتها ؟فقلت له لا قاله دى بتغنى وتمدح وصوتها حلو اوى فقلت له تعالا سمعنى وسمعتها بتقول انت عمرى فقلت ياسلام هو فى ناس فى الدنيا تقول الكلام ده للناس ؟ يارب يسوع المسيح لو انا قولتلك انت عمرى وحبيتك زاى الست دى مابتحب دانا ابقا فى السما انا قولت الكلام ده بصوت عالى والاخ سمعنى ونزلت دموعه وقالى هو انا ممكن اقول للمسيح انت عمرى ؟ قولتله قول كل الكلام اللى بتسمعه فى الاغنيه دى وانت تدخل السما برجليك